ឯកឧត្ដម ហ៊ុយ វណ្ណៈ ដឹកនាំប្រតិភូសហភាពសហព័ន្ធអ្នកសារព័ត៌មានកម្ពុជា ថ្វាយកម្រងផ្កា គោរពព្រះវិញ្ញាណក្ខន្ធ «ព្រះបរមរតនកោដ្ឋ»

ឯកឧត្ដម ហ៊ុយ វណ្ណៈ ដឹកនាំប្រតិភូសហភាពសហព័ន្ធអ្នកសារព័ត៌មានកម្ពុជា ថ្វាយកម្រងផ្កា គោរពព្រះវិញ្ញាណក្ខន្ធ «ព្រះបរមរតនកោដ្ឋ» ដេីម្បីជាការចងចាំនូវគុណបំណាច់ ដូនតា​ អនុវត្តបទបញ្ជាការដឹកនាំ​ រួមគ្នាថែរក្សាបរិយាកាសសម្រាប់អនាគតកូនចៅ

(ភ្នំពេញ):​ ប្រធានសហភាពសហព័ន្ធអ្នកសារព័ត៌មានកម្ពុជា ឯកឧត្ដម ហ៊ុយ វណ្ណៈ នៅព្រឹកថ្ងៃទី១៥ ខែតុលា ឆ្នាំ២០២២នេះ បានដឹកនាំប្រតិភូសហភាពសហព័ន្ធអ្នកសារព័ត៌មានកម្ពុជា(ស.ស.ស.ក) អញ្ជើញចូលរួមថ្វាយកម្រងផ្កាគោរពព្រះវិញ្ញាណក្ខន្ធ ព្រះករុណា ព្រះបាទសម្តេចព្រះនរោត្តម សីហនុ ព្រះបរមរតនកោដ្ឋ នៅវិមានព្រះបរមរូប ក្បែរវិមានឯករាជ្យ។

សូមរំលឹកថា ព្រះករុណា ព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ បានយាងចូលព្រះទិវង្គត នៅថ្ងៃទី១៥ ខែតុលា ឆ្នាំ២០១២ ដោយរោគាពាធ ក្នុងព្រះជន្មាយុ ៩០ព្រះវស្សា  នៅប្រទេសចិន ដោយទទួលព្រះបរមបច្ឆាមរណនាម “ព្រះបរមរតនកោដ្ឋ”។ 

សូមបញ្ជាក់ផងដែរថា​ ថ្ងៃនេះប្រជារាស្រ្តទូទាំងប្រទេស ព្រមទាំងមន្ត្រីរាជការ កងកម្លាំងប្រដាប់អាវុធគ្រប់ជាន់ថ្នាក់ សូមសម្តែងនូវការគោរពដឹងគុណដ៏ខ្ពង់ខ្ពស់បំផុតថ្វាយចំពោះ ព្រះបរមរតនកោដ្ឋ ដែលព្រះអង្គបានលះបង់ និងបូជាព្រះកាយពលដ៏ធំធេងបំផុតចំពោះជាតិមាតុភូមិកម្ពុជា។ 

កូនចៅប្រជារាស្រ្តទូទាំងប្រទេស និងមន្រ្តីរាជការ ក៏ដូចជាថ្នាក់ដឹកនាំសមាជិក​ សមាជិកា​របស់​ សហភាពសហព័ន្ធអ្នកសារព័ត៌មានកម្ពុជា​ សូមថ្វាយព្រះរាជកុសលព្រះវិញ្ញាណក្ខន្ឋព្រះបរមសព ព្រះករុណា ព្រះបាទសម្តេចព្រះ នរោត្តម សីហនុ សូមស្តេចយាងបដិសន្ឋិក្នុងព្រះបរមសុគតិភពកុំបីឃ្លាងឃ្លាតឡើយ។ 

ក្នុងឱកាសនោះ​ដែរ​ ឯកឧត្តម ហ៊ុយ​ វណ្ណ:​ ប្រធានសហភាពសហព័ន្ធអ្នកសារព័ត៌មានកម្ពុជា​ ក៏បានលេីកឡេីងថា​  ថ្ងៃនេះ គោរពសម្តេចឪ ដែលរំលឹកយើងថា យើងមានកាតព្វកិច្ច៣យ៉ាងជាប់ជាប្រចាំ៖

  • ១/. ចងចាំគុណបំណាច់ ដូនតា
  • ២/. អនុវត្តបទបញ្ជាការដឹកនាំ
  • ៣/. ថែរក្សាបរិយាកាសសម្រាប់អនាគតកូនចៅ៕

👇👇ទស្សនាVideoសូមចុចខាងក្រោមនេះ👇👇

Post a Comment

Previous Post Next Post

Sponsored

Girl in a jacket

Sponsored

Girl in a jacket
Girl in a jacket