(ខេត្តព្រៃវែង): នៅថ្ងៃទី១០ ខែមិថុនា ឆ្នាំ២០២៣ឯកឧត្តម នាយឧត្តមសេនីយ៍ ជា សុគន្ធា អនុរដ្ឋលេខាធិការ ក្រសួងមហាផ្ទៃ និង ជាប្រធានក្រុមការងារចុះជួយឃុំថ្កូវ បានដឹកនាំក្រុមការងារចុះសួរសុខទុក្ខ ប្រជាពលរដ្ឋតាមខ្នងផ្ទះ និង បានចែកជូននូវអាវ មួក គណបក្ស រួមទាំងថវិកាមួយចំនួន និង អត្តសញ្ញាណប័ណ្ណ ដែលជាតំរូវការចាំបាច់របស់ប្រជាពលរដ្ឋ ក្នុងការបោះឆ្នោតនាពេលខ្លះមុខនេះ ឯកឧត្តមបានលើកឡើងថា សុខទុក្ខប្រជាពលរដ្ឋទាំងអស់គ្នា ជាកាតព្វកិច្ចរបស់យើងខ្ញុំទាំងអស់គ្នា ស្នាមញញឹមរបស់បងប្អូនអ៊ុ ពូ មីង គឺជាសេចក្តីសុខរបស់យើងខ្ញុំទាំងអស់គ្នា ។
ឯកឧត្តមបានលើកឡើងថា «បន្ទាប់ពីថ្ងៃរំដោះ ប្រទេសជាតិយើងបានឆ្លងកាត់មហាឧបសគ្គជាច្រើនរាប់មិនអស់ តែក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា គឺបានជម្នះអស់ឧបសគ្គទាំងនោះ ហើយបាន ស្តាសេដ្ឋកិច្ចជាតិឡើងវិញ នាំមកនូវសន្តិភាព និងការអភិវឌ្ឍរីកចម្រើនលើគ្រប់វិស័យ និងបានលើកមុខមាត់ប្រទេសកម្ពុជាលើឆាកអន្តរជាតិ ជាក់ស្តែង ភាពជោគជ័យដ៏ត្រចះត្រចង់ នៃការរៀបចំកិច្ចប្រជុំកំពូកអាស៊ាន និងការរៀបចំ SEA GAME ដែលកម្ពុជាយើងធ្វើជាម្ចាស់ផ្ទះ»។
![](https://blogger.googleusercontent.com/img/b/R29vZ2xl/AVvXsEhO-wZaOPCFu5SiskPOaojD0kKuy-6ZmyCO_v_HuVCz5gLdTUrHJRKKn0nmM0EgL4C4wHnE-2XiNehoDp6hCkBJwe0CuaVaLYT_AX6BVQc5FGDfi0jCsZMv9mzcKzPmadaJZqddhWKm-vaACwp8sy1O-6B_o3VyW6I1Wo4c-hpi2lQRuCxZXe_JnkrE/w640-h480/photo_12_2023-06-11_08-08-38.jpg)
ឯកឧត្តម ជា សុគន្ធា បានបន្ថែមទៀងថា សន្តិភាព ពិតជាមានតម្លៃខ្លាំងណាស់សម្រាប់ប្រទេសជាតិ និងប្រជាជនកម្ពុជា។ ដូច្នេះប្រជាពលរដ្ឋទាំងអស់គ្នាត្រូវអរគុណសន្តិភាព អរគុណនយោបាយឈ្នះ ឈ្នះ និង ជាពិសេសដឹងគុណស្ថាបនិក មគ្គុទ្ទេសក៍ឯក និងប្រតិបត្តិករនយោបាយឈ្នះឈ្នះ និងត្រូវរួមគ្នា ប្តេជ្ញាការពារសន្តិភាពអោយបានជាដាច់ខាត។ មានសន្តិភាព ទើបមានការគោរពសិទ្ធិមនុស្ស មានការអភិវឌ្ឍ និងមានអ្វីៗទាំងអស់។ មានតែគណបក្សប្រជាជនតែមួយគត់ ដែលមានសមត្ថភាពពេញលេញ ក្នុងការធានារក្សានូវសុខសន្តិភាព។ ដូចនេះ ដើម្បីឱ្យប្រទេសយើង មានសន្តិភាព និងការអភិវឌ្ឍន៍ស្ថិតស្ថេរយូរអង្វែងទៅមុខទៀត យើងទាំងអស់គ្នាជាប្រជាពលរដ្ឋខ្មែរត្រូវទៅបោះឆ្នោតទាំងអស់គ្នា គឺទៅបោះជូនគណបក្សប្រជាជនកម្ពុជា ដែលជាអ្នកមានគុណពិតប្រាកដរបស់យើង។
![](https://blogger.googleusercontent.com/img/b/R29vZ2xl/AVvXsEgXJbqN2ZwJ3COrJW3ou89Vv8rvROsFEV7fvAzI4B-mVEnCluEJYo_bnVQHYth93YPwRQL5tyiJqJt-8RGGGOt4NAJmW2YD-GUmS-pqtrF92TFZNyskLc8gQHRtBCZgNfQrsXA5-4-FZ-8WKCo-Dqv64rKffOMqItwIeoe35W5fQOygI3fjaonPZlzw/w640-h428/photo_23_2023-06-11_08-08-38.jpg)
ជាមួយគ្នានេះដែរ ឯកឧត្តម ជា សុគន្ធា ក៏បានធ្វើការអំពាវនាវឱ្យប្រជាពលរដ្ឋទាំងអស់គ្នា សូមកុំចាញ់បោកកលល្បិច ឬពាក្យញុះញុងរបស់ក្រុមអគតិមួយចំនួនតូច ដែលតែងតែបំផុសបំផុលដើម្បីតែផលប្រយោជន៍ផ្ទាល់ខ្លួន មិនដែលគិតគូរដល់ប្រយោជន៍រួមរបស់ជាតិ ដោយមើលរំលងនូវសមិទ្ធិផលដ៏មហាធំធេងដែលគណបក្សប្រជាជនកម្ពុជាបានកសាងជាតិរហូតមកដល់បច្ចុប្បន្ននេះ។ គណបក្សប្រជាជនកម្ពុជាតែងតែនៅក្បែរ និងយល់ពីសុខទុក្ខរបស់បងប្អូនប្រជាពលរដ្ឋគ្រប់ពេលវេលាជាពិសេសបានយកចិត្តទុកដាក់មិនអោយបងប្អូនប្រជាពលរដ្ឋណាម្នាក់អត់អាហារឡើយ។គណបក្សប្រជាជនកម្ពុជា ហ៊ានថា ហ៊ានធ្វើ ហ៊ានទទួលខុសត្រូវ ដូច្នេះសូមបងប្អូនអញ្ជើញទៅបោះឆ្នោតនៅថ្ងៃទី២៣ ខែកក្កដា ឆ្នាំ២០២៣នេះ អោយបានគ្រប់ៗគ្នា ដើម្បីធានាការពារសន្តិភាព ការអភិវឌ្ឍរីកចម្រើននិងកិត្យានុភាពប្រទេសជាតិយើងលើឆាកអន្តរជាតិ។
ជាកិច្ចឆ្លើយតប ប្រជាពលរដ្ឋបានលើកឡើងថា ពួកគាត់ព្រមទាំងក្រុមគ្រួសារប្តេជ្ញាគាំទ្រ និងបោះឆ្នោតជូនគណបក្សប្រជាជនកម្ពុជា ជារៀងរហូត ដើម្បីតបស្នងសងគុណដល់សម្តេចតេជោ ហ៊ុន សែន និងដើម្បីការពារសន្តិភាព ការអភិវឌ្ឍ និងភាពសុខដុមរមនានៅកម្ពុជា៕
Post a Comment