ឯកឧត្តមនាយឧត្តមសេនីយ៍ មាស វីរិទ្ធ ៖ការគ្រប់គ្រងទិន្នន័យអ្នកញៀនគ្រឿងញៀនបានច្បាស់លាស់ អាចឱ្យវាយតម្លៃបានពីសកម្មភាពជូញដូរគ្រឿងញៀន "។
តាកែវ ៖វគ្គបណ្តុះបណ្តាលស្តីពីការពង្រឹងសមត្ថភាពមន្រ្តីអនុវត្តច្បាប់គ្រឿងញៀន ត្រូវបានបិទបញ្ចប់ហេីយនៅល្ងាចថ្ងៃទី១៨ ខែមករា ឆ្នាំ ២០២៣ នៅសាលាខេត្តតាកែវ ក្រោមអធិបតី ភាព ឯកឧត្ដមនាយឧត្ដមសេនីយ៍ មាស វិរិទ្ធ អគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀននិងឯកឩត្តម យង់ សុវឌ្ឍនា អភិបាលរងនិងជាប្រធានលេខាធិការគណកម្មាធិការត្រួតពិនិត្យគ្រឿងញៀនខេត្តតាកែវ ។
ក្នុងរបាយការណ៍របស់ឯកឧត្ដម យង់ សុវឌ្ឍនា បានបង្ហាញពីការយកចិត្តទុកដាក់រៀនសូត្រស្តាប់ការចែករំលែកចំណេះដឹងនិងបទពិសោធន៍របស់វាគ្មិនជំនាញនិងបានស្នេីសុំឱ្យគ្រប់ក្រុងស្រុកទាំងអស់ទូទាំងខេត្តតាកែវ សូមរៀបចំធ្វេីបច្ចុប្បន្នភាពគណៈកម្មាធិការត្រួតពិនិត្យគ្រឿងញៀនក្រុង ស្រុក ឃុំ សង្កាត់ ស្រង់ទិន្នន័យអ្នកញៀនគ្រឿងញៀន នៅក្នុងមូលដ្ឋានឃុំសង្កាត់ឱ្យបានហ្មត់ចត់ងាយស្រួលគ្រប់គ្រងនិងសម្របសម្រួលពួកគាត់ឱ្យទៅទទួលបានសេវាព្យាបាលអ្នកញៀនគ្រឿងញៀននៅតាមមូលដ្ឋាន។
ក្នុងឱកាសនោះ ឯកឧត្តមនាយឧត្តមសេនីយ៍ មាស វីរិទ្ធ បានថ្លែងសាទរនូវលទ្ធផលដែលអ្នកពាក់ព័ន្ធទាំងអស់នៃវគ្គបណ្តុះបណ្តាលរួមគ្នាសម្រេចបានដេីម្បីពង្រឹងសមត្ថភាពបន្ថែមដល់មន្រ្តីអនុវត្តច្បាប់សំដៅបង្ការ បង្រ្កាបបទល្មេីសគ្រឿងញៀន និងជួយឱ្យអ្នកញៀនគ្រឿងញៀនទទួលបានសេវាព្យាបាល "ការគ្រប់គ្រងទិន្នន័យអ្នកញៀនគ្រឿងញៀនបានច្បាស់លាស់ អាចឱ្យវាយតម្លៃបានពីសកម្មភាពជូញដូរគ្រឿងញៀន "។
ក្នុងឱកាសនោះដែរ ឯកឧត្តមនាយឧត្តមសេនីយ៍ មាស វីរិទ្ធ អគ្គលេខាធិការ បានប្រាប់ពីស្ថានភាពនៃការបង្វែរសារធាតុគីមីផ្សំដែលបច្ចប្បន្នត្រូវបានឈ្មួញលូចបង្វែរពីការផលិតកែឆ្នៃពីគ្រឿងញៀនពាក់កណ្តាលសំយោគ ទៅជាគ្រឿងញៀនសំយោគសុទ្ធសាធ ហេីយបង្ករការគ្រោះថ្នាក់ដល់សុខភាពអ្នកប្រេីប្រាស់កាន់តែធ្ងន់ធ្ងរជាងមុន ។
ជាមួយគ្នានេះ ឯកឧត្តមនាយឧត្តមសេនីយ៍ មាស វីរិទ្ធ បានសំណូមពរដល់អ្នកសិក្ខាកាមទាំងអស់ត្រូវយកចំណះដឹងនិងបទពិសោធន៍ដែលទទួលបានពីវគ្គបណ្តុះបណ្តាលនេះទៅប្រេីប្រាស់ចាត់តាំង បញ្ជាអនុវត្ត ដេីម្បីបង្កេីនប្រសិទ្ធភាពក្នុងការងារប្រយុទ្ធប្រឆាំងគ្រឿងញៀនក្នុងមូលដ្ឋានរបស់ខ្លួន។
សូមបញ្ជាក់ថាវគ្គបណ្តុះបណ្តាលប្រព្រឹត្តទៅមានរយ:កាលពីរថ្ងៃ១៧-១៨ ខែមករា ឆ្នាំ២០២៣ ជ័យលាភីជាមន្រ្តីអនុវត្តច្បាប់គ្រឿងញៀនមកពីអង្គភាពនិងក្រុង ស្រុក ទាំង១០ នៃខេត្តតាកែវ ចំនួន៨៣នាក់។
Post a Comment